Wältext fon Siede Äntwikkelenge fon Huushollengen un Persone in dät Seelterlound bekiekje

Foar ju '''Äntwikkelenge fon Huushollengen un Persone in dät Seelterlound''' stoalde [[Heinrich Schulte]] ju Antaal fon Huushollengen fon 1473 bit 1674 fääst uut do [[Skätsengsliesten]] un deerätter uut Statistiken fon Säärke un Stoat. Ju Taal fon Koppe pro Huushollenge waas 5,5 in 1816, man Schulte nimt oun, dät ju foar allere Tieden weegen minner goude Gesuundegaid läiger waas un skätset ju ap 5. 
[[Bielde:SEELBAAL.JPG|thumb|right|300px|Ienwoonertaal fon Seelterlound truch do Jierhunnerte.]]
Sien Resultoate sunt mäd Anluukenge fon Statistike uur ju näiere Tied roat in ju Tabelle gans hierunner un in ju graphiske Deerstaalenge hier ieuwenske. In allere Tieden waas ju Befoulkenge man littek, mäd wier n Touräächgong bit 1651, wäil weegen dän [[Trüütichjierige Kriech]]. Ätter 1800 roate dät ne stäärke Tounoame truch ju Feenkolonisation an do Buuteskeede ([[Idafeen]], [[Elisabethfeen]]), ju deer fuul Froamde ounbroachte. <br />
Truch ju [[Foankultivierenge]] noom ju effektive Uurfläche fon Seelterlound mäd do Jiere wäil bit dät Tjoonfache tou, so dät fuul Lieuwendsruum foar näie Bewoonere äntstuude. So koomen uum 1920 do uut [[Aast-Pommern]] ferdrieuwene [[Pomeraner]] in [[Seedelsbierich]] un uum 1949 rakt dät dan noch wier äkstroa ne Spitse truch do [[Aastfluchtlinge]], do leeter toun Deel wier wächlooken. Deertruch waas ju Befoulkenge in 1964 wier läiger, man ätters koomen daach wier fuul moor bietou, so ätter 1991 do [[Ruslounddüütske]] in [[Roomelse]]. Uur do [[Sproake]]n sjuch bie [[Sproakstatistik]].<br />
Apstuuns is Seelterlound mäd 12.869 Ienwoonere (31.12.2006) ap ne Fläche fon 123,5 km<math>^2</math>, dät is 104 pro km<math>^2</math>, al relativ ticht befoulked (juun 110 pro km<math>^2</math> foar dän ganse [[Loundkring Kloppenbuurich]]).

=== Ienwoonertaal ===
'''Huushollengen'''
{| border="1" padding="2" cellpadding="4" cellspacing="0"  width="300" style="background: #f9f9f9; border: 1px #aaaaaa solid; border-collapse: collapse; font-size: 95%;
|-
|Jier||[[Strukelje]]||[[Roomelse]]||[[Skäddel]]||mädnunner||Persone
|-
|1473||39||44||60||143||715
|-
|1535||39||51||54||144||720
|-
|1549||47||59||57||163||815
|-
|1568||59||59||55||173||865
|-
|1606||60||58||66||184||920
|-
|1630||61||	62||	47||	170||	850
|-
|1651||34||	36||	34||	104||	520
|-
|1665||40||	61||	65||	166||	830
|-
|1674||52||	64||	65||	181||	905
|-
|1713||49||	-||	80||	-||      -
|-
|1749||55||	62||	108||	225||	1125
|-
|1816||115||	104||	113||	332||	1822<math>^1</math>
|-
|1855||173||	158||	159||	490||	2450
|-
|1895||472||	171||	158||	801||	4005
|-
|1910||619||	216||	195||	1030||	5015
|-
|1933||792||	345||	426||	1565||	7825
|-
|	'''Ienwoonere'''
|-				
|1949||||||||			||		9500<math>^2</math>
|-
|1964||	3430||	2299||	3317||	||	9046
|-
|1970||||||||			||		8259
|-
|1980||||||||			||		8454
|-
|1990||||||||			||		9614
|-
|1995||||||||			||		12221
|-
|2007||||||||			||		12869
|}

Do Taalen fon 1970-1990 sunt nit apaat in ju graphiske Deerstaalenge feroarbaided wuuden.<br /> 
<math>^1</math> ätter Kollmann; rakt wuudelk 5,5 Person pro Huushollenge.<br />
<math>^2</math> deerfon 2390 Aastfluchtlinge.

== Literatuur ==

* Paul Kollmann, ''Der Umfang des friesischen Sprachgebietes im Grossherzogtum Oldenburg'', Zeitschrift des Verein für Volkskunde, 1, Berlin 1891:377-403. 

* Heinrich Schulte, ''Das Saterland als friesisches Land'' (24), Heimatblätter, Beilage zur oldenburgischen Volkszeitung 33-40 (1952-1959). Mädnunner 41 Sieden.

* Mechthild Schwalb, ''Die Entwicklung der bäuerlichen Kulturlandschaft in Ostfriesland und Westoldenburg''. Bonn 1953.


== Ferbiendenge ätter buuten ==

* [https://web.archive.org/web/20071025160306/http://www.om23.de/pdf/bevoelkerung_d.pdf Befoulkengsäntwikkelenge siet 1970]

[[Kategorie:Seelterlound]]